1.9.09

E a gañadora é...

Chocas? 
Sobra dicilo, e máis vendo que xa a 26 de agosto o didus ineptus impúñase folgadamente a todas as súas contrincantes, mesmo en conxunto.

Desde ese día as diferenzas non fixeron máis ca aumentar, ficando finalmente así a clasificación:
  1. Dodo: 70 votos (64%)
  2. Pingüín: 19 votos (17%)
  3. Avestruz: 13 votos (12%)
  4. Galiña: 6 votos (5%)
Polo dito, o Dodo proclámase vencedor indiscutible do noso concurso-xogo, no que lle preguntamos a todas as nosas visitas que ave non voadora lle parecía máis galega, e que rematou coa participación de 108 internautas.

Para escarnio do equipo de tunos repetidores de Feijóo, ao 95% dos votantes a galiña non lle parece máis galega ca un avestruz, un pingüín nin ca un bicho das Illas Mauricio xa desaparecido, dato que debería preocupar en San Caetano, pois a pesar do inconmesurable esforzo propagandístico xunteiro a galiña non acaba de caerlle ben á galeguía, por moito que a pinten de azul presidiario.

Pois vaia a nosa máis sinceira noraboa para a torpe ave, pois non recibía tan boa nova desde os Séculos Escuros, data da súa extinción. E para ela tamén, o seu agardado premio: O seu propio e auténtico logo azul despolitizador.

Con todas e todos vós:

(Click para ampliar)

5 comentarios:

  1. Polo menos os que apostamos polos pingüíns obtivemos un honorable segundo posto. Teremos moeda de prata?

    Mágoa dese traxe a raias... outra vez será!

    ResponderEliminar
  2. A fim de contas, se o que pretendem é extinguir o galego da Galiza, um dodo é a ave mais representativa para esta tarefa ;-)

    ResponderEliminar
  3. Anónimo1/9/09 22:51

    Claro! Para poñer a súa experiencia ao servizo da nación... española!
    xD

    ResponderEliminar
  4. Pomponio2/9/09 9:40

    Temos que facer uns pins

    ResponderEliminar
  5. Sublime, para facer camisolas!

    ResponderEliminar